Мінскі завод колавых цягачоў традыцыйна прыме ўдзел у Міжнародным ваенна-тэхнічным форуме «АРМІЯ-2022».
З 15 па 21 жніўня 2022 года на пляцоўцы кангрэсна-выставачнага цэнтра «Патрыёт», г. Кубінка, Маскоўская вобласць (55-ы км трасы М1 (Мінскае шасэ) ад Масквы) форум «АРМІЯ-2022» аб'яднае вядучых вытворцаў і распрацоўшчыкаў прадукцыі для абаронна-прамысловага комплексу, экспертаў галіны, прадстаўнікоў міністэрстваў і ведамстваў, чыя дзейнасць звязана з забеспячэннем дзяржаўнай і грамадскай бяспекі.
На выставачным стэндзе Volat будзе прадстаўлена адна з апошніх распрацовак ААТ «МЗКЦ» – БТР V2 (8х8), абсталяваны найноўшым агнявым модулем з дыстанцыйным кіраваннем айчыннай распрацоўкі АДУНОК-БМ-30. Узор уяўляе сабой паўнапрывадную браніраваную баявую машыну, абсталяваную вадамётнымі рухавікамі, якія забяспечваюць дастаўку войскаў з дэсантных караблёў на сушу, фарсіраванне рэк і розных водных перашкод.
Выставачны ўзор Volat – гэта ўніверсальная платформа з дастатковым запасам грузападымальнасці, якая дазваляе стаць базай для стварэння разнастайнай баявой і дапаможнай тэхнікі, у тым ліку самаходных артылерыйскіх установак, машын агнявой падтрымкі з рознымі відамі баявых модуляў і сістэм узбраення, медыцынскіх модуляў і інш.
Таксама ААТ «МЗКЦ» прадставіць на стэндзе шэраг маштабных макетаў найбольш запатрабаванай з боку ваенных ведамстваў аўтатэхнікі Volat: пускавая ўстаноўка ЗРК «С-400» на базе легендарнага шасі МЗКЦ-543М, рухомы грунтавы ракетны комплекс «Таполя-М» на шасі МЗКЦ-79221, берагавы ракетны комплекс «Бастыён» і аператыўна-тактычны ракетны комплекс «Іскандэр», размешчаныя на шасі МЗКЦ-7930.
Запрашаем наведаць стэнд кампаніі VOLAT у павільёне «B», стэнд № 2D2.
