У 2007 годзе быў спраектаваны і выраблены доследны ўзор шасі корпуснага тыпу МЗКЦ-6922. Шасі МЗКЦ-6922 было прынцыпова новай распрацоўкай супрацоўнікаў упраўлення галоўнага канструктара і прызначалася для мантажу сістэмы супрацьпаветранай абароны «Тор».
Прыйшоўшы на змену сваім гусенічным аналагам, шасі не толькі захавала ўсе іх лепшыя ўласцівасці, але і прынесла новыя. Сярод якіх можна адзначыць высокую ўстойлівасць пры працы, высокую праходнасць, меншы ў параўнанні з гусенічнымі аналагамі расход паліва. У шасі сямейства МЗКЦ-6922 шырока выкарыстоўваюць і дасягненні сучаснай электронікі. Не выпадкова шасі менавіта гэтага сямейства былі абраныя распрацоўнікамі лепшых айчынных зенітна-ракетных комплексаў малой і сярэдняй далёкасці «Тор», «Бук», «Аса», «Штылет» для колавых версій сваіх мадэрнізаваных вырабаў.