У якасці альтэрнатыўнага варыянту шасі МАЗ-7906 па праграме «Цаліна-2» у сакавіку 1985 года пабудавалі першы доследны ўзор унікальнага дванаццацівосевага шасі МАЗ-7907 для той жа самаходнай пускавой устаноўкі.
У ім былі выкарыстаныя напрацоўкі па шасі з электратрансмісіяй, якія ўжо меліся на заводзе. Машына, зусім не падобная ні на якія іншыя, складалася з двух шасцівосевых поўнапрывадных звёнаў, злучаных паміж сабой спецыяльнымі вузламі сучлянення з шарнірамі.
Чатыры пярэднія і чатыры заднія восі зрабілі кіруемымі, што забяспечыла мінімальны радыус павароту ў 27 м. пры даўжыні шасі ў 28,1 м. Шырыня машыны – 4,1 м., вышыня – 4,41 м., уласная падрыхтаваная маса – 65800 кг, грузападымальнасць – 150000 кг.
Прыводзіў гэты ракетаносец у рух газатурбінны рухавік ГТР-1000ТФМ магутнасцю 1250 к.с.
У верасні 1987 года параўнальныя выпрабаванні доследных узораў спецыяльных колавых транспарцёраў высокай праходнасці і асабліва вялікай грузападымальнасці МАЗ-7906 і МАЗ-7907 былі паспяхова завершаны.
Атрыманыя ў ходзе выпрабаванняў шасі паказчыкі цалкам адпавядалі надзвычай высокім патрабаванням тэхнічнага задання.
Але ў сувязі з прыняццем рашэння пра чыгуначны варыянт базавання ракеты РТ-23 ПТТХ працы па тэме «Цаліна-2» былі спыненыя.
Шасі МАЗ-7907 – даўгабазнае, складаецца з двух шасцівосевых поўнапрывадных звён, сузлучаных шарнірам, з колавай формулай 24х24 і кіруемымі коламі чатырох пярэдніх і чатырох задніх восяў, што забяспечвала мінімальны радыус павароту ў 27 м.
На шасі ўсталяваныя газатурбінны рухавік ПР-1000 ТМФ магутнасцю 1250 к.с. (919 кВт) вытворчасці Ленінградскага НВА ім. Клімава і электратрансмісія пераменнага тока ТЭ 660-24 з індывідуальным прыводам кожнага кола.
Рама выканана з двух злучаных вузламі сучлянення зварных паўрам – пярэдняй і задняй.
Падвеска колаў – незалежная, гідрапнеўматычная з пнеўматычнай сувяззю падвескі кожных двух колаў па борце шасі, з сістэмай рэгулявання становішча рамы.
Грузападымальнасць шасі — 150000 кг.
Уласная маса шасі — 66000 кг.
Максімальная хуткасць — 25 км/ч.
Брод для пераадолення — 1,1 м.
Габарытныя памеры шасі: даўжыня — 28187 мм, шырыня — 4800 мм, вышыня — 4450 мм.